Haters&Lovers: Exposición Fotográfica

Na Planta 2, e ata o 15 de decembro, acollenos a exposición fotográfica Haters&Lovers da ACLAD Alborada, ONG viguesa que leva mais de 40 anos traballando pola saúde é o benestar social.

Esta mostra nace co propósito de sensibilizar e previr as distintas formas de violencia que poden afectar á mocidade.

Esta iniciativa forma parte do programa Haters&Lovers, subvencionado pola Consellería de Política Social e Igualdade, creado para promover a detección temperá das violencias e impulsar a reflexión crítica entre nenos, nenas e adolescentes.

A exposición está composta por 12 roll-ups con fotografías sociais realizadas por mozos e mozas en obradoiros de prevención da violencia, desenvolvidos en colaboración con CyES – Comunicación y Educación Social (ongcyes.org). Cada imaxe vai acompañada de reflexións creadas polas persoas participantes, dando lugar a unha mostra honesta, directa e chea de significado.

Desde Gran Vía de Vigo apoiamos iniciativas que fomenten o bo trato, a igualdade e a convivencia positiva. Convidámosvos a visitar esta exposición, percorrer as súas imaxes e descubrir a mensaxe que a mocidade quixo compartir a través da fotografía.

Agardámoste!